ریاض (این این آئی)سعودی عرب میں کورونا وائرس کا شکار ہونے والے نومولود بچے کو صحت یاب ہونے کے بعد والدین کے سپرد کردیا گیا۔غیرملکی خبررساں ادارے کے مطابق سعودی عرب کے شہر الدوامی جنرل اسپتال میں کورونامیں مبتلا نومولود بچے خالد کو صحت یاب ہونے کے بعد
والدین کے سپرد کردیا گیا۔ڈاکٹر کا کہنا تھا کہ بچے کے تمام میڈیکل ٹیسٹ کلیئر آئے ہیں جس کے بعد اسے طبی یونٹ کے ساتھ والدین تک پہنچادیا گیا ہے۔بچے کے والدین نے بیٹے کی صحت یابی اور سلامتی پر اللہ کا شکر ادا کرنے کے بعد اسپتال انتظامیہ کے مثالی رویے اور تعاون کو سراہا۔
