سرینگر(آن لائن)مقبوضہ کشمیر کے سابق وزرائے اعلیٰ عمر عبداللہ اور محبوبہ مفتی کو رشتہ داروں سے ملنے کی اجازت دے دی گئی۔ بھارتی میڈیا نے دعویٰ کیا ہے کہ عمر عبداللہ اور محبوبہ مفتی کو رشتہ داروں سے ملنے کی اجازت دے دی گئی،عمر عبداللہ سرینگر میں ہری نواس اور محبوبہ مفتی چشم شاہی میں نظر بند ہیں۔
بھارتی میڈیا کے مطابق عمر عبداللہ سے ان کے اہلخانہ اور رشتہ داروں نے ہفتے کے روز 2 بار ملاقات کی،سابق وزیراعلیٰ مقبوضہ کشمیرمحبوبہ مفتی سے اہلخانہ نے جمعرات کے روز ملاقات کی۔واضح رہے کہ سابق وزرائے اعلیٰ فاروق عبداللہ،عمرعبداللہ اورمحبوبہ مفتی 5اگست سے نظربند ہیں ۔
