لندن (این این آئی)برطانوی وزیر اعظم ٹریزا مے نے یورپی یونین کے ساتھ طے کردہ اپنے معاہدے پر قائم رہنے کے عزم کا اظہار کیا ہے۔میڈیارپورٹس کے مطابق یورپی یونین کے ساتھ بریگزٹ معاہدے پر اتفاق کے بعد سے ٹریزا مے کو اپنے ملک میں اس حوالے سے مخالفت کا سامنا ہے۔ بریگزٹ کے وزیر سمیت کئی وزراء نے ان کی

کابینہ سے استعفیٰ دے دیا ہے۔ ملکی پارلیمان میں انہیں وزارت عظمیٰ سے ہٹائے جانے کی بھی باتیں ہو رہی ہیں۔ برطانوی وزیراعظم کے مطابق اگر انہیں اس عہدے سے ہٹایا گیا تو برطانیہ کے یورپی یونین سے نکلنے کے عمل میں تاخیر ہو سکتی ہے یا پھر برطانیہ کو بغیر کسی معاہدے کے ہی یورپی یونین کو چھوڑنا پڑ سکتا ہے۔

موضوعات:برطانوی وزیراعظم