صوفیہ (مانیٹرنگ ڈیسک) بہت جلد ولادی میر پیوٹن اور روس دنیا پر غلبہ پا لیں گے، اس بات کی پیشگوئی بلغاریہ کی معروف نابینا نجومی بابا وانگا نے کی ہے۔ واضح رہے کہ بابا وانگا کی اس سے قبل کی گئی پیش گوئیاں درست ثابت ہوئی ہیں، ان پیشگوئیوں میں نائن الیون، داعش کا ظہور اور دیگر شامل ہیں۔ دی مرر نے اپنی رپورٹ میں کہا ہے کہ بابا وانگا نے نئی پیش گوئی میں بتایا تھا کہ بہت جلد ولادی میر پیوٹن اور روس دنیا پر غلبہ پا لیں گے۔

اس رپورٹ کے مطابق 1979ء میں بابا وانگا نے معروف مصنف ویلنٹائن سدوروف سے ملاقات میں اس سے کہا تھا کہ ایک وقت آئے گا جب سارے ایسے بہہ جائیں گے جیسے وہ برف کے بنے ہوئے ہوں، اس وقت صرف ایک شخص ایسا ہو گا جسے قابو کرنا ناممکن ہو گا اور وہ صدر ولادی میر پیوٹن ہوں گے اور اس کا ملک روس ہو گا۔ رپورٹ میں کہا گیا کہ روس ایک بار پھر دنیا پر غلبہ پائے گا اور اسے اس سے کوئی نہیں روک سکتا۔ اس کے علاوہ بابا وانگا نے ایک اور پیش گوئی میں کہا تھا کہ روس ایک بار پھر دنیا کی واحد سپر طاقت ہو گا۔ بابا وانگا نے 2018ء کی پیش گوئیوں میں کہا تھا کہ اس سال چین بڑی عالمی طاقت بن جائے گا۔ انہوں نے اپنی پیش گوئیوں میں مزید کہا کہ 2025ء سے 2028ء کے درمیان انسان توانائی کا ایک نیا ذریعہ دریافت کر لے گا اور دنیا کی توانائی کی بھوک ختم ہو جائے گی۔ بابا وانگا نے کہا کہ 2033ء سے 2045ء کے درمیان گلیشیئرز تیزی سے پگھلیں گے اور سطح سمندر بلند ہو جائے گی۔ انہوں نے بتایا کہ اس عرصے میں یورپ پر مسلمان حکمرانی کریں گے اور دنیا کی معیشت تیزی سے ترقی کرے گی۔ دنیا کے خاتمے کے حوالے سے بابا وانگا پیش گوئی کر رکھی ہے کہ 2341ء میں زمین پر تباہ کن حادثات ہوں گے اور زمین رہنے کے قابل نہیں رہے گی اور انسان کسی دوسرے سیارے پر چلا جائے گا۔ واضح رہے کہ بابا وانگا کی اس سے قبل کی گئی پیش گوئیاں درست ثابت ہوئی ہیں

موضوعات:نابینا نجومی بابا وانگا