ریاض( آن لائن ) سعودی حکام نے ملک سے باہر سفر کرنے والوں کو یاددہانی کرائی ہے کہ 60 ہزار ریال یا اس کے مساوی مالیت کا سونا یا زیورات ہمراہ لے جانے کی صورت میں کسٹمز اقرار نامہ جمع کرانا ضروری ہو گا۔ سعودی اخبار کے مطابق سعودی پبلک پراسیکیوشن نے ٹویٹر اکاؤنٹ پر اس انتباہ کا اعادہ کیا ہے کہ جو شخص بھی سعودی عرب پہنچے یا یہاں سے سفر کرے اور اس کے

پاس کرنسی یا طلائی بسکٹ یا قیمتی پتھر ہوں اوران کی مالیت 60 ہزار ریال کے مساوی ہو یا دیگر کرنسی ہو تو اسے اقرار نامہ جمع کرانا ہو گا۔یہ کارروائی انسداد منی لانڈرنگ کی دفعہ 23کے مطابق ضروری ہے۔ واضح رہے کہ سعودی کابینہ نے حال ہی میں انسداد منی لانڈرنگ کے قانون میں ترامیم جاری کی ہیں۔ اقرار نامہ جمع نہ کرانے والوں کو قانونی کارروائی کا سامنا کرنا پڑے گا۔

موضوعات:اینٹی منی لانڈرنگ قانون سعودی عرب