ماسکو (مانیٹرنگ ڈیسک)امریکہ دنیاپراپنی حکمرانی قائم کرنے کےلئے آئے روزنئے نئے حربے استعمال کرتارہتاہے تاکہ اس کودنیاکی سب سے بڑی طاقت تسلیم کیاجاتارہے اوراس کےلئے وہ طاقتورترین ایٹمی ہتھیاربھی تیارکرنے میں مصروف ہے لیکن ایک امریکی اخبارکی رپورٹ کے مطابق روس کی خفیہ طاقت اس کا ’سائبر ہتھیار‘ ہے جو پل بھر میں ہر طرح کے برقی نظام کومعطل کر سکتا ہے اور کسی بھی بڑے سے

بڑے حملے کی صورت میں ہرقسم کے الیکٹرک و الیکٹرانک کمیونیکیشن نظا موں سے لے کر ہتھاروں کو کنٹرول کرنے والے جدید ترین کمپیوٹرز تک ہر چیز بیکار کردیتاہے ۔امریکہ کے دفاعی تحقیقاروں کے مطابق روس کے سائبرہتھیاروں کادوسرانام کریش اووررائڈہے اورہمیں اطلاعات ہیں کہ اسے یوکرائن کے توانائی نظام پرہونے والے حملے میں روس نے اس کوہی استعمال کیاتھااوراسی طرح روسی ہیکرزنے یوکرائن کے دارلخلافہ کیف کے بجلی کے نظا م کوبھی مفلوج کردیاتھا۔جبکہ امریکی سائنسدانوں نے اس حوالے سے کہاہے کہ روس اسی نظام کے ذریعے امریکی پربھی حملہ کرسکتاہے اوروہ امریکہ کے بجلی کے ترسیلی نظام اورحساس نوعیت کے الیکڑانک سسٹم پربھی یوکرائن طرزپرحملہ کرسکتاہے جس سے امریکہ بری طرح متاثرہوسکتاہے ۔یادرہے کہ امریکی انتخابات میں بھی روسی کی مداخلت کاالزام لگایاجاتاہے کہ روس نے امریکی صدارتی نظام کے نتائج کوہیک کرکے تبدیل کیااورامریکی خفیہ ادارے ابھی تک اس کی تحقیقات کررہے ہیں لیکن کوئی نتیجہ نہیں نکل رہا۔ امریکی تحقیق کاروں کا کہنا ہے کہ سائبر حملے کرنے والے روسی گروپ کا ’’سینڈ ورم‘ ‘ہے اور امریکی خفیہ اداروں کو یقین ہے کہ اس گروپ کا روسی حکومت کے ساتھ تعلق ہےلیکن امریکی سائنسدانوں نے کہاکہ ہم اس کے بارے میں حتمی طورپرکچھ نہیں کہہ سکتے ہیں ۔

موضوعات:امریکہ