اسلام آبا د(مانیٹرنگ ڈیسک ) پاکستان اور بھارت کے درمیان اس وقت جو سب سے بڑا مسئلہ چل رہا ہے ہے وہ کشمیر کا ہے ۔ بھارت ان دنوں پوری شدت کے ساتھ کشمیریوں کی پاکستان کیلئے محبت اور ان کی آواز کو دبانے کی پوری کوشش کر رہا ہے ۔

اب تازہ ترین میڈیا رپورٹس کے مطابق مقبوضہ وادی کشمیر میں مجاہدین کے ٹھکانوں پر فضائی حملے کیلئے دہلی کے ساتھ ہلالی پرائم منسٹر آفس میں اجلاس ہوا ہے جس میں بھارتی افواج کے تینوں سربراہان، وزیر داخلہ اور سینئر مرکزی وزیر سمیت اعلیٰ انٹیلی جنس حکام نے شرکت کی۔ رپورٹ میں ذرائع کا حوالہ دیتے ہوئے کہا گیا ہے کہ مقبوضہ کشمیر کے علاقوں میں آپریشن جیٹ کو جاری رکھنے کیلیے وزیراعظم کی جانب سے مکمل تائید حاصل ہے جبکہ کشمیر میں مجاہدین کے ٹھکانوں پر فضائی حملوں میں بھارتی ایئرفورس کو اسرائیلی ماہرین کی سپورٹ حاصل ہے۔ اس طرح ایشیا کے سب سے بڑے جمہوری ملک بھارت نے مقبوضہ کشمیر میں عوام کو کچلنے کیلیے ایک بڑا منصوبہ تیار کرلیا، بھارت کے صدر پرنب مکھرجی نے مقبوضہ کشمیر میں فضائی حملوں کی منظوری دینے کے بعد حکم نامہ جاری کردیا ہے کہ اِن ’’ مجاہدین ‘‘ کو فضائی حملوں کے ذریعے مارا جائے جبکہ بی ایس ایف، پولیس اور فوج کو خصوصی ہدایت کی گئی ہے کہ وہ ان کو مجاہدین ، دہشت گرد قرار دیکر میڈیا کے سامنے ان کی لاشیں پیش کی جائیں جس کے بعد اندرون خانہ مقبوضہ کشمیر میں اپنی سرگرمیاں شروع کردی ہیں جبکہ 24 سے زائد پاکستانی شہریوں کو گرفتاری کے بعد خفیہ ایجنسی ’’ آئی ایس آئی‘‘ کے اہلکار شو کرنے کے بعد بھارت نئی سازش میں مصروف ِ عمل ہے۔

موضوعات:بھارت پاکستان