راجن پور (این این آئی)ضلع راجن پور میں آم توڑنے پر باغ کے مالک نے 5 بچوں کو رسیوں سے باندھ دیا، اطلاع ملنے پر پولیس نے ملزم کو گرفتار کر لیا۔راجن پور کے علاقے فاضل پور میں واقع باغ کے مالک نے آم توڑنے والے 5 بچوں کو پکڑ لیا اور انہیں رسیوں سے باندھ دیا۔اطلاع ملتے ہی
اہلِ علاقہ نے مداخلت کر کے پانچوں بچوں کو رہا کروا لیا۔تھانہ فاضل پور پولیس نے واقعے کی اطلاع ملنے پر باغ کے مالک چوہدری جعفر کو گرفتار کر لیا ہے۔پولیس کے مطابق بچوں کے والدین نے ملزم کے خلاف کارروائی سے انکار کردیا تھا جس کے بعد پولیس کی مدعیت میں ملزم کے خلاف مقدمہ درج کیا گیا ۔
