لاہور( این این آئی) نامور اداکار احسن خان نے کہا ہے کہ کورونا وائرس سے نمٹنے کیلئے سوشل میڈیا پر ٹوٹکوں کا سیلاب آیا ہوا ہے ، عوام سے اپیل ہے کہ ان ٹوٹکوں پر عمل کر نے کی بجائے گھروں تک محدود رہیں اور صرف حکومت کی بتائی گئی احتیاطی تدابیر کو اپنائیں۔ ایک بیان میں احسن خان نے کہا کہ سوشل میڈیا پر کورونا وائرس کو
شکست دینے کیلئے ایسے ایسے ٹوٹکے بتائے جارہے ہیں جنہیں سن کو سوائے حیرانگی کے کچھ نہیں کہا جا سکتا ۔ لوگوں سے اپیل ہے کہ وہ ا ز خود اپنا معالج بننے سے سختی سے گریز کریں ، کورونا وائر سے بچائو کا واحد حل خود کو گھروں تک محدود کرنا اور بتائی گئی حفاظتی تدابیر پر سختی سے عمل پیرا ہونا ہے ۔ اس کے ساتھ ہم پانچ وقت کی نمائش پڑھیں اور استغفار اوردرود پاک کا زیادہ سے زیادہ ورد کریں۔
