ممبئی (نیوز ڈیسک) بھارتی اوپنر ابھشیک شرما نے محض پانچ دن کے دوران ٹی ٹوئنٹی کرکٹ میں ایک شاندار اور ایک ناخوشگوار ریکارڈ اپنے نام کرلیا۔

افغانستان کے خلاف دھواں دار سنچری اسکور کرنے والے بھارتی بیٹر جاپان کے خلاف تاریخی ٹی ٹوئنٹی انٹرنیشنل مقابلے میں پہلی ہی گیند پر بغیر کوئی رن بنائے پویلین لوٹ گئے۔

جاپان کے خلاف گولڈن ڈک کے ساتھ ہی ابھشیک شرما رواں سال ٹی ٹوئنٹی کرکٹ میں 10 مرتبہ صفر پر آؤٹ ہونے والے کھلاڑی بن گئے ہیں۔ اعداد و شمار کے مطابق کسی ایک کیلنڈر ایئر کے دوران کسی بھی کھلاڑی کی جانب سے یہ سب سے زیادہ ڈکس ہیں۔

ابھشیک شرما کے 10 صفر میں سے 7 ڈکس ٹی ٹوئنٹی انٹرنیشنل میچز میں آئے ہیں، جو ان کے لیے ایک غیر معمولی ریکارڈ ہے۔

اس سے قبل افغانستان کے راشد خان 2019 میں جبکہ پاکستان کے شاداب خان 2024 میں ایک کیلنڈر سال کے دوران 9، 9 مرتبہ صفر پر آؤٹ ہوچکے ہیں۔

دلچسپ امر یہ ہے کہ صرف پانچ روز قبل ابھشیک شرما نے افغانستان کے خلاف جارحانہ بیٹنگ کا مظاہرہ کرتے ہوئے محض 30 گیندوں پر سنچری مکمل کی تھی، تاہم جاپان کے خلاف وہ اننگز کا آغاز کیے بغیر ہی پہلی گیند پر آؤٹ ہوگئے۔