لاہور (این این آیئ)قومی ٹیم کے اسپن آل رانڈر شاداب خان کے معاملے پر پاکستان کے ماضی کے دو مایہ ناز اسپنر توصیف احمد اور ثقلین مشتاق آمنے سامنے آگئے۔
سابق ٹیسٹ کرکٹر توصیف احمد نے ایک انٹرویومیں انکشاف کیا کہ ثقلین مشتاق اپنے داماد شاداب خان کو کھیلنے کیلئے زور دیتے تھے، جب میں سلیکٹر تھا تو مجھے کہا کہ شاداب کو دیکھ لینا، ثقلین مشتاق کا وائس نوٹ ریکارڈ پر ہے۔انہوں نے کہا کہ ثقلین کو شاداب کے سوا کچھ دکھتا ہی نہیں تھا فیور کی ایک حد ہوتی ہے، دنیا کو جا جاکر اسپن بولنگ بتائی لیکن اپنے ملک میں کیا کیا۔انہوںنے کہاکہ شاداب ان فٹ ہوکر ہر جگہ جارہے ہیں اور پھر فیور بھی کررہے ہیں، پاکستان کے کچھ گریٹ پلئیر کوچنگ میں آکر ناکام ہوگئے۔ثقلین مشتاق نے توصیف احمد کو سوشل میڈیا پر جواب دیا کہ توصیف احمد، آپ نے کہا ہے کہ آپ کے پاس میرا وائس میسج موجود ہے، تو اسے ثابت کریں اور عوام کے سامنے جاری کریں،
میں نے آپ کو احترام کے ساتھ فون کیا تھا کیونکہ میں آپ کو اپنا سینئر سمجھ کر عزت دیتا تھا۔ثقلین مشتاق نے کہا جھوٹ نہ بولیں، حقائق نہ چھپائیں اور نہ ہی معاملے کو توڑ مروڑ کر پیش کریں، میرے پاس بھی مکمل ریکارڈ موجود ہے، آپ اپنا ریکارڈ جاری کریں، میں بھی اپنا ریکارڈ عوام کے سامنے لے آں گا، عوام کو خود سچ سننے اور حقیقت جاننے دیں۔
