لاہور (این این آئی) بنگلادیش کے خلاف ٹی ٹونٹی سیریز کے پہلے میچ میں 5وکٹیں لے کر حسن علی نے نیا اعزاز اپنے نام کر لیا۔لاہور کے قذافی سٹیڈیم میں بنگلادیش کے خلاف کھیلے گئے پہلے ٹی ٹونتی میچ میں پاکستان نے حسن علی کی شاندار بائولنگ کی بدولت مہمان ٹیم کو 37رنز سے شکست دی۔
حسن علی نے 3.2اوورز میں 30رنز دے کر 5کھلاڑیوں کو آئوٹ کیا اور چوتھے پاکستانی بالر ہونے کا اعزاز اپنے نام کیا، ان سے قبل عمر گل، سفیان مقیم، عماد وسیم بھی یہ اعزاز حاصل کرچکے ہیں۔
