اسلام آباد (نیوز ڈیسک) پاکستان سپر لیگ (پی ایس ایل) 10 کے لاہور میں ہونے والے پلیئرز ڈرافٹ میں کئی بڑے نام ایسے تھے جو کسی فرنچائز کا حصہ نہیں بن سکے۔ پہلی بار پی ایس ایل کھیلنے کے خواہش مند غیر ملکی کھلاڑیوں کی بڑی تعداد نے خود کو رجسٹرڈ کروایا تھا، لیکن ان میں سے کچھ کو کسی ٹیم نے منتخب نہیں کیا۔

ان کھلاڑیوں میں کوپر کانوولی، ڈینیل سیمز، جیسن بہرینڈروف، مارک اسٹیکیٹے، موئیسز ہینریکس، ولیم سدرلینڈ، مستفیض الرحمان، جو کلارک، لوری ایونز، تیمال ملز، عمران طاہر، ریضا ہینڈرکس، تبریز شمسی، چرِتھ اسالنکا اور ایون لیوس شامل تھے۔پاکستانی کرکٹر سرفراز احمد نے بھی کوئٹہ گلیڈی ایٹرز سے علیحدگی اختیار کی تھی اور ڈرافٹ کا حصہ بنے تھے، لیکن انہیں کسی فرنچائز نے منتخب نہیں کیا۔ تاہم، کوئٹہ گلیڈی ایٹرز کے مالک ندیم عمر نے سرفراز احمد کو ٹیم کا کوچ مقرر کر دیا۔مزید برآں، ٹم ساؤتھی، جیسن روئے، ایلکس ہیلز، عثمٰن خواجہ، شکیب الحسن، جمی نیشم، احسان اللہ، مجیب الرحمان، ایشٹن ایگر اور کرس لین جیسے بڑے نام بھی پی ایس ایل 10 کے ڈرافٹ میں شامل ہونے کے باوجود کسی ٹیم کا حصہ نہ بن سکے۔