بار باڈوس (این این آئی)ٹی ٹوئنٹی ورلڈ کپ کی فاتح بھارتی ٹیم بارباڈوس میں پھنس گئی، بارباڈوس ایئرپورٹ سمندری طوفان کے پیش نظر بند کر دیا گیا ہے۔ بھارتی میڈیا کے مطابق بارباڈوس میں کیٹگری 4 طوفان بیریل کی پیش گوئی کی گئی ہے، بارباڈوس میں کرفیو جیسی صورتحال ہے کسی کو باہر نکلنے کی اجازت نہیں، طوفان کے اگلے چند گھنٹوں میں ساحل سے ٹکرانے کی پیش گوئی ہے۔

بھارتی میڈیا کے مطابق بارباڈوس میں ہلکی بارش ہوئی ، بھارتی ٹیم ہوٹل کے اندر موجود رہی ہوٹل کا اسٹاف بھی بہت کم موجود تھا۔بھارتی اسکواڈ کو قطاروں میں لگ کر فوڈ لینا پڑ ا ، بھارتی بورڈ چارٹر فلائٹ کے بھی انتظامات کا فیصلہ کیا ہے تاہم صورتحال ایئرپورٹ کھلنے پر منحصر ہے۔ بھارتی میڈیا کے مطابق اگلے 24 گھنٹوں کے دوران کے لائحہ عمل کا کسی کو علم نہیں ہے۔