جمعرات‬‮ ، 18 ستمبر‬‮ 2025 

چوکرز جنوبی افریقہ بالآخر ورلڈکپ کے فائنل میں پہنچ گئے، افغانستان کو بدترین شکست

datetime 27  جون‬‮  2024
ہمارا واٹس ایپ چینل جوائن کریں

ٹاروبا(این این آئی)ٹی20 ورلڈکپ 2024 کے پہلے سیمی فائنل میں جنوبی افریقہ نے یکطرفہ مقابلے میں افغانستان کو شکست دے کر پہلی بار فائنل میں رسائی حاصل کرلی، پروٹیز اب تک اس ایونٹ میں ناقابل شکست رہے ہیں،پروٹیز بائولنگ اٹیک کے سامنے افغان بیٹنگ لائن ریت کی دیوار ثابت ہوئی، افغانستان کی پوری ٹیم 11.5 اوور میں 56 رنز پر ڈھیر ہوگئی، جنوبی افریقہ نے مطلوبہ ہدف بآسانی 8.5 اوور میں ایک وکٹ کے نقصان پر پورا کرلیا۔ٹاروبا کے برائن لارا اسٹیدیم میں کھیلے گئے میچ میں پروٹیز بالنگ اٹیک کے سامنے افغان بیٹنگ لائن ریت کی دیوار ثابت ہوئی، افغانستان کی پوری ٹیم 11.5 اوور میں 56 رنز پر ڈھیر ہوگئی، جنوبی افریقہ نے مطلوبہ ہدف بآسانی 8.5 اوور میں ایک وکٹ کے نقصان پر پورا کرلیا۔ٹاس کے علاوہ کچھ بھی افغانستان کے حق میں نہیں رہا، افغان ٹیم کا صرف ایک کھلاڑی ہی ڈبل فیگر میں داخل ہوسکا، عظمت اللہ عمرزئی 10 رنز بناکر نمایاں رہے۔

رواں ٹی20 ورلڈکپ کے ٹاپ اسکورر اور افغانستان کے اوپننگ بلے باز رحمان اللہ گرباز پہلے ہی اوور میں کھاتہ کھولے بغیر پویلین واپس لوٹ گئے، ابراہیم زردان 2، گلبدین نائب 9، ننگیالیا کھروٹے 2، کریم جنت اور راشد خان 8،8 جب کہ نوین الحق 2 رنز بناکر آٹ ہوئے۔جنوبی افریقہ کی جانب سے مارکو جانسن اور تبریز شمسی نے 3،3 کگیسو رباڈا اور اینرک نورکیا نے 2،2 وکٹیں حاصل کیں۔ہدف کے تعاقب میں پروٹیز کو صرف ڈی کاک کی صورت میں واحد نقصان اٹھانا پڑا جو 5 رنز بنانے کے بعد فضل الحق فاروقی کا شکار بنے، ریزا ہینڈرکس 29 اور کپتان ایڈن مارکرم نے 23 رنز بناکر ناقابل شکست رہے۔جنوبی افریقہ کے آل رانڈر مارکو جانسن کو بہترین بالنگ سپیل کروانے پر مین آف دی میچ سے نوازا گیا۔

آج کی سب سے زیادہ پڑھی جانے والی خبریں


کالم



انسان بیج ہوتے ہیں


بڑے لڑکے کا نام ستمش تھا اور چھوٹا جیتو کہلاتا…

Self Sabotage

ایلوڈ کیپ چوج (Eliud Kipchoge) کینیا میں پیدا ہوا‘ اللہ…

انجن ڈرائیور

رینڈی پاش (Randy Pausch) کارنیگی میلن یونیورسٹی میں…

اگر یہ مسلمان ہیں تو پھر

حضرت بہائوالدین نقش بندیؒ اپنے گائوں کی گلیوں…

Inattentional Blindness

کرسٹن آٹھ سال کا بچہ تھا‘ وہ پارک کے بینچ پر اداس…

پروفیسر غنی جاوید(پارٹ ٹو)

پروفیسر غنی جاوید کے ساتھ میرا عجیب سا تعلق تھا‘…

پروفیسر غنی جاوید

’’اوئے انچارج صاحب اوپر دیکھو‘‘ آواز بھاری…

سنت یہ بھی ہے

ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…