اسلام آباد (این این آئی)افغانستان ٹیم کے کپتان راشد خان نے کہاہے کہ مجھے اپنی ٹیم پر فخر ہے ،ٹیم کے ہر کھلاڑی نے جس طرح ڈٹ کر مقابلہ کیا وہ قابل ستائش ہے،اگلی مرتبہ اس سے بھی زیادہ مضبوطی سے کم بیک کریں گے۔

سوشل میڈیا پر راشد خان نے لکھا کہ ہم اس ٹی ٹوئنٹی ورلڈک کو ہمیشہ یاد رکھیں گے، ٹیم کے ہر کھلاڑی نے جس طرح ڈٹ کر مقابلہ کیا وہ قابل ستائش ہے اور مجھے پوری ٹیم پر فخر ہے۔افغانستان کرکٹ ٹیم کے کپتان نے کہاکہ ہم اپنے سفر کا آغاز یہیں سے کریں گے اور اگلی مرتبہ اس سے بھی زیادہ مضبوطی سے کم بیک کریں گے۔راشد خان نے ٹیم کی سپورٹ کرنے والے ہر فرد کا شکریہ بھی ادا کیا اور ساتھ ہی انہوں نے میچ کی کچھ تصاویر بھی شیئر کیں۔