برمنگھم(این این آئی)ٹی 20رنز کی دوڑ میں بابر اعظم نے بھارتی کپتان روہت شرما کو پیچھے چھوڑ دیا۔تفصیلا ت کے مطابق ٹی 20 انٹرنیشنل رنز کی دوڑ میں پاکستانی کپتان بابر اعظم نے بھارتی قائد روہت شرما کو پیچھے چھوڑ دیا، انھوں نے انگلینڈ کے خلاف برمنگھم میں کھیلے گئے دوسرے ٹی 20میچ کے دوران یہ سنگ میل عبور کیا،

رائٹ ہینڈ بیٹر نے اس مقابلے میں 32رنز بنائے، جس سے ان کے اس طرز کے انٹرنیشنل مقابلوں میں رنز کی تعداد 3ہزار 987ہوگئی ہے۔بابر نے یہ رنز 111اننگز میں بنائے، روہت شرما نے 143اننگز میں 3ہزار 974رنز بنائے ہیں، اس فہرست میں بابر سے آگے اب صرف ویراٹ کوہلی ہیں جوکہ 109اننگز میں 4037رنز کے ساتھ ٹاپ پر موجود ہیں۔