کولمبو (این این آئی)بھارتی فاسٹ بولر محمد سراج نے ایشیا کپ 2023 کے فائنل میں کارکردگی دکھانے پر ملنے والی رقم گرائونڈ اسٹاف کو دے دی۔تفصیلات کے مطابق محمد سراج کو ایشیا کپ کے فائنل میچ میںمین آف دی میچ کا ایوارڈ دیا گیا جس کی رقم انہوں نے گرائونڈ اسٹاف کو عطیہ کردی۔
انہوں نے کہا کہ گرائونڈ اسٹاف اس انعام کا حقدار ہے۔واضح رہے کہ پورے ایونٹ کے دوران بارش میچز کے لیے مسلسل خطرہ بنی رہی اور اس دوران گرائونڈ اسٹاف نے بہت جدوجہد کی اور میدان کو دوبارہ کھیل کے قابل بنایا۔ایونٹ کے سپر فور مرحلے میں سب سے زیادہ بارش نے پاکستان اور بھارت کے میچ کو متاثر کیا جسے ریزرو ڈے پر مکمل کیا گیا۔فائنل میچ بھی بارش کی وجہ سے تاخیر کا شکار ہوا اور اس کے لیے بھی پیر کا دن ریزرو رکھا گیا تھا لیکن اس کی ضرورت پیش نہیں آئی۔
