دبئی (این این آئی)قومی کرکٹر شعیب ملک کی اہلیہ اور بھارتی ٹینس اسٹار ثانیہ مرزا نے شوہر کی بری عادت سے متعلق گفتگو کرتے ہوئے کہاہے کہ شعیب سے کوئی کام کرنے کا کہا جائے تو وہ کہتے ہیں کہ ہوجائے گا۔ پاکستانی کرکٹر شعیب ملک اور ان کی اہلیہ ثانیہ نے حال ہی میں

نجی ٹی وی کے پروگرام میں شرکت کی اور اس دوران مختلف موضوعات پر گفتگو کی۔ایک سوال کے جواب میں ثانیہ نے کہا کہ شعیب میں بہت زیادہ صبر ہے جو مجھے نہیں پسند، اس پر میزبان نے ثانیہ سے وضاحت مانگی کہ صبر بری عادت ہے؟ثانیہ نے کہا کہ اگر شعیب سے کوئی کام کرنے کا کہا جائے تو وہ کہتے ہیں کہ ہوجائے گا۔ثانیہ کی وضاحت پر شعیب نے کہا کہ ایسا ہرگز نہیں جوکام وقت پر کرنے کے ہوں میں انہیں وقت پر ہی کرتا ہوں۔ایک سوال کے جواب میں ثانیہ نے اعتراف کیا کہ شعیب رات کو خراٹے بھی لیتے ہیں تاہم شعیب نے وضاحت دی کہ وہ جب تھکے ہوئے ہوں صرف تب ہی خراٹے لیتے ہیں۔ثانیہ مرزا نے کہا کہ شعیب کی جیب سے کبھی پیسے نہیں نکالے کیوں کہ اس کی ضرورت ہی پیش نہیں آئی۔