اسلام آباد (این این آئی)قومی ٹیم کے کپتان بابر اعظم نے اپنی ٹیم سے محبت کے اظہار کے لیے لو والی ایموجی کے ساتھ قومی ٹیم کی تصویر شیئر کی۔واضح رہے کہ پاکستان نے دوسرے ٹی ٹوئنٹی میں بنگلادیش کو باآسانی 8 وکٹوں سے شکست دے کر تین میچوں کی سیریز میں 0-2 کی ناقابلِ شکست برتری حاصل کررکھی ہے ،ڈھاکا میں کھیلے گئے

دوسرے ٹی ٹوئنٹی میچ میں بنگلادیش نے پاکستان کو جیت کے لیے 109 رنز کا ہدف دیا تھا جو شاہینز نے 19ویں اوور میں 2 وکٹوں کے نقصان پر پورا کرلیا تھا۔بابر اعظم نے کہا کہ ہمارا اصل ہدف ٹیم کا مومنٹم برقرار رکھنا تھا۔پاکستان ٹیم کے کپتان نے ٹیم کی کارکردگی کو سراہتے ہوئے کہا کہ ٹیم نے اچھا کھیلا ہے آگے بھی اسے برقرار رکھیں۔