اسلام آباد (این این آئی)پاکستان کی بیڈمنٹن اسٹار پلوشہ بشیر نے ٹی 20 ورلڈ کپ کے سب سے بڑے مقابلے پاکستان اور بھارت کے میچ سے قبل شائقین کرکٹ کو خصوصی پیغام میں کہاہے کہ پاک بھارت میچ کو جنگ نہیں بنا نا چاہیے۔ اپنے بیان میں پلوشہ بشیر نے کہا کہ

شائقینِ کرکٹ پاکستان اور بھارت کے میچ کو جنگ میں تبدیل نہ کریں، یہ صرف کھیلوں کا ایک مقابلہ ہے۔انہوں نے پاکستانی ٹیم کے لیے اپنی نیک خواہشات کا اظہار کرتے ہوئے کہا کہ انہیں اْمید ہے کہ پاکستان بابر اعظم کی قیادت میں بھارت کو شکست دے گا۔بیڈمنٹن اسٹار نے کہا کہ یہ صرف ایک کھیل ہے، کھیل ایک ذریعہ ہے جس سے لوگ قریب آتے ہیں اور امن و امان کو فروغ دیا جاتا ہے۔پلوشہ بشیر نے کہا کہ ’براہِ کرم! اس کھیل کو جنگ نہ بنائیے گا اور نہ ہی کوئی لڑائیاں ہونی چاہئیں۔انہوں نے کہا کہ بہترین ٹیم جیتے گی اور انہیں یقین ہے کہ جیت انشاء اللّہ پاکستان ہی کی ہوگی۔