اسلام آبا د(این این آئی)حکومت سندھ کا احسن اقدام، کینسر میں مبتلاء اولمپین نوید عالم کے علاج معالجہ کے اخراجات اْٹھا لئے، حکومت سندھ کی جانب سے شوکت خانم ہسپتال کو خط لکھ دیا گیا، صدر پاکستان ہاکی فیڈریشن بریگیڈیئررخالد سجاد کھوکھر اور سیکرٹری جنرل پی ایچ ایف اولمپین آصف ناجوہ کی جانب سے وزیر اعلی سندھ

سید مراد علی شاہ کا شکریہ ادا کیا گیا ۔تفصیلات کے مطابق وزیراعلیٰ سندھ سید مراد علی شاہ کی ہدایات پر کینسر کے مرض میں مبتلاء سابق اولمپین نوید عالم کے علاج معالجہ کے تمام تر اخراجات حکومت سندھ نے اْٹھا لئے،1994 عالمی ہاکی کپ گولڈمیڈلسٹ کھلاڑی اولمپین نوید عالم کے علاج کے لئے حکومت سندھ کی جانب سے شوکت خانم ہسپتال لاہور کو تحریری ہدایات بھی جاری کردی گئی ہیں۔ حکومت سندھ کی جانب سے جاری شدہ لیٹر کے مطابق اولمپین نوید عالم کے علاج معالجہ کے تمام تر اخراجات حکومت سندھ کے ذمہ ہونگے۔ پاکستان ہاکی فیڈریشن کیصدر بریگیڈیئررخالد سجاد کھوکھر اور سیکرٹری جنرل اولمپین محمد آصف باجوہ نے خصوصی طور پر وزیر اعلیٰ سندھ سید مراد علی شاہ کا شکریہ ادا کیا ہے اور کہاکہ حکومت سندھ نے ہمیشہ قومی کھیل کی فلاح و بہبود کے لء عملی اقدامات اْٹھائے ہیں۔ قومی کھیل کے انفراسٹرکچر کی تعمیر ہو یا کھلاڑیوں کی فلاح و بہبود ، حکومت سندھ نے ہمیشہ کلیدی کردار ادا کیا ہے۔ پاکستان ہاکی فیڈریشن اپنی تمام ہاکی فیملی کی جانب سے وزیر اعلی سندھ سید مراد علی شاہ، وزیر صحت ، سیکرٹری صحت حکومت سندھ کے اس احسن اقدام پر شکریہ ادا کرتے ہیں

موضوعات:اولمپین نوید عالم