لاہور(این این آئی)پاکستان کرکٹ ٹیم کے فاسٹ بائولر وہاب ریاض اور اہلیہ زینب وہاب میں شادی کی آٹھویں سالگرہ پر مزاحیہ پیغامات کا تبادلہ ہوا ہے۔وہاب ریاض نے اہلیہ کے ہمراہ ایک خوبصورت تصویر شیئر کرتے ہوئے لکھا کہ آپ کو زندگی میں برداشت کرنا انتہائی مشکل کام ہے تاہم اگر میں اپنی زندگی کو آپ کے بغیر تصور کروں تو یہ نامکمل ہے۔وہاب ریاض نے لکھا کہ آپ کو شادی کی سالگرہ مبارک ہو۔وہاب ریاض کی اہلیہ زینب وہاب نے بھی جواب میں کمال حسِ مزاح

کا استعمال کرتے ہوئے لکھا کہ واقعی یہ حیرت انگیز ہے کہ ہم دونوں نے ایک دوسرے کو 8 سال کیسے برداشت کرلیا۔آخر میں انہوں نے لکھا کہ ایسی بہت سی شادی کی سالگرہ ہم ساتھ منائیں گے، انشاء اللہواضح رہے کہ وہاب ریاض 18 اپریل 2013 کو زینب کے ساتھ رشتہ ازدواج میں منسلک ہوئی تھی، جوڑے کے ہاں پہلی بیٹی ایشال ریاض 2 ستمبر 2014 کو پیدا ہوئی تھی۔جوڑے کے ہاں گزشتہ برس ماہِ مئی میں دوسری بیٹی حورین سکندر کی پیدائش ہوئی تھی۔