کراچی (این این آئی)پاکستان سپر لیگ (پی ایس ایل) سیزن 6 کے ایکشن سے بھرپور مقابلوں سے قبل وارم اپ میچ میں کوئٹہ گلیڈی ایٹرز نے پشاور زلمی کو 23 رنز سے ہرا دیا، کوئٹہ کے اعظم خان نے شاندار نصف سنچری اسکور کی۔نیشنل اسٹیڈیم کراچی میں ہونیوالے وارم اپ میچ میں کوئٹہ گلیڈی ایٹرز نے پہلے بیٹنگ کرتے ہوئے 20

اوورز میں 6 وکٹوں پر 180 رنز بنائے۔اعظم خان نے 42 گیندوں پر تین چھکوں اور سات چوکوں کی مدد سے 69 رنز بنائے، کپتان سرفراز احمد 41 رنز بناکر آئوٹ ہوئے۔جواب میں پشاور زلمی کی ٹیم 157 رنز بناکر آئوٹ ہوگئی، حیدر علی نے 52 اور وہاب ریاض نے 46 رنز بنائے،زاہد محمود نے 3کھلاڑیوں کو آئوٹ کیا۔دوسری جانب پاکستان سْپر لیگ کی ٹیم پشاور زلمی کے ترانے کا ٹیزر جاری کر دیا گیا ہے۔پشاور زلمی کے چیئرمین جاوید آفریدی کی جانب سے اپنے سماجی رابطے کی ویب سائٹ ٹوئٹر پر پی ایس ایل 6 کی ٹیم پشاور زلمی کے ترانے کا ٹیزر جاری کیا گیا ۔جاوید آفریدی کی جانب سے ٹوئٹر پر کرکٹ شائقین کے ساتھ شیئر کیا گیا ٹیزر 23 سیکنڈ کا جسے دیکھ کا اندازہ لگایا جا سکتا ہے کہ یہ ترانہ کتنا جاندار ہوگا۔واضح رہے کہ پاکستان سپر لیگ (پی ایس ایل) کے سیزن 6 میں پشاور زلمی کی برانڈ ایمبیسڈر پاکستانی اداکارہ ماہرہ خان ہیں۔پاکستان سپر لیگ کی سب سے مقبول فرنچائز پشاور زلمی کو اداکارہ ماہرہ پی ایس ایل سیزن 6 میں سپورٹ کریں گی۔واضح رہے کہ پاکستان سپر لیگ (پی ایس ایل) کے سیزن 6 کا ترانہ’گروو میرا‘ یوٹیوب پر تیز ترین ایک کروڑ ویوز حاصل کرنے کے قریب ہے۔لیجنڈ گلوکارہ نصیبو لعل، آئمہ بیگ اور ینگ اسٹنرز کا ترانہ پاکستان سمیت دنیا بھر کے مختلف ممالک میں چھایا ہوا ہے۔