پشاور(این این آئی) جنوبی وزیرستان سے تعلق رکھنے والے مارشل آرٹس کھلاڑی عرفان محسود نے ایک اور عالمی ریکارڈ اپنے نام کر لیا۔عرفان محسود نے برطانوی کھلاڑی پیڈی ڈوئل کا ایک منٹ میں 36 اسٹار جمپس کا ریکارڈ توڑا۔قومی مارشل آرٹس کھلاڑی نے بتایا کہ برطانوی کھلاڑی نے 2013 میں ریکارڈ بنایا تھا، 8 سال بعد

یہ ریکارڈ اپنے نام کیا ہے۔عرفان محسود نے بتایا کہ اب تک بھارت کے 12 ورلڈ ریکارڈ توڑ چکا ہوں، اس کے علاوہ امریکا، برطانیہ، اٹلی، فلپائن اور عراق کے کئی ریکارڈ بھی توڑ چکا ہوں۔دوسری جانب ماسٹر راشد نسیم نے دو نئے عالمی ریکارڈز قائم کرکے ان کو قومی ہیرو کوہ پیما محمد علی سدپارہ کے نام کردیا۔راشد نسیم کے گنیز ورلڈ ریکارڈز کی تعداد 66 ہوگئی اور ان کی اکیڈمی اب تک 81 ریکارڈ پاکستان کے نام کر چکی ہے، پہلے ریکارڈ میں نن چکس کی مدد سے بوتل کے درمیان سے تاش کا پتا نکالنا تھا، راشد نسیم نے ایک منٹ میں 19 تاش کے پتے نکالنے کا کارنامہ کردکھایا۔اس سے قبل چینی ایتھلیٹ ڑی ڈیشینگ نے بوتل کے درمیان سے 14 تاش کے پتے نکالے تھے، راشد نسیم سال 2020 میں یہی ریکارڈ 12 تاش کے پتے نکال کر بناچکے تھے۔دوسرے ریکارڈ میں 334 مکوں کے مقابلے میں 378 پنچ کرتے ہوئے تاریخ کے سب سے بہتر فٹنس ریکارڈ کو بھی توڑ دیا، یہ ریکارڈ سلووکیہ کے پاول ٹروسو نے بنایا تھا۔ عرفان محسود نے برطانوی کھلاڑی پیڈی ڈوئل کا ایک منٹ میں 36 اسٹار جمپس کا ریکارڈ توڑا۔قومی مارشل آرٹس کھلاڑی نے بتایا کہ برطانوی کھلاڑی نے 2013 میں ریکارڈ بنایا تھا، 8 سال بعد یہ ریکارڈ اپنے نام کیا ہے۔عرفان محسود نے بتایا کہ اب تک بھارت کے 12 ورلڈ ریکارڈ توڑ چکا ہوں