دبئی(این این آئی) انٹرنیشنل کرکٹ کونسل (آئی سی سی) نے ٹیسٹ، ون ڈے اور ٹی ٹوئنٹی کی نئی سالانہ رینکنگ جاری کردی جس کے مطابق ٹی ٹوئنٹی میں پاکستان کی چوتھی، ٹیسٹ میں ساتویں، ون ڈے میں چھٹی پوزیشن ہے ۔سالانہ رینکنگ کے مطابق ٹیسٹ کرکٹ میں آسٹریلیا نے 116 پوائنٹس کے ساتھ پہلی

پوزیشن حاصل کرلی ، نیوزی لینڈ دوسرے اور بھارت دو درجے تنزلی کے بعد اب تیسرے نمبر پر آگیا ہے۔ٹیسٹ رینکنگ میں پاکستان 86 پوائنٹس کے ساتھ ساتویں نمبر پر ہے۔ٹی ٹوئنٹی کی سالانہ رینکنگ میں پاکستان ٹیم پہلی پوزیشن برقرار نہیں رکھ سکی اور 260 پوائنٹس کے ساتھ چوتھے نمبر پر موجود ہے۔ٹی ٹوئنٹی میں بھی آسٹریلیا نے پہلی پوزیشن پر قبضہ جما لیا ہے جبکہ انگلینڈ کا دوسرا اور بھارت کا تیسرا نمبر ہے۔سالانہ آئی سی سی ون ڈے رینکنگ میں انگلینڈ کی پہلی پوزیشن برقرار ہے جبکہ بھارت کی دوسری اور نیوزی لینڈ کی تیسری پوزیشن ہے۔ون ڈے رینکنگ میں جنوبی  افریقا کی چوتھی پوزیشن برقرار ہے پاکستان چھٹے نمبر پر ہے۔

موضوعات:ٹی ٹوئنٹی میں پاکستان پہلی پوزیشن