گیانا(آن لائن) سابق کپتان شعیب ملک 350 ٹونٹی ٹونٹی میچز کھیلنے والے پہلے پاکستانی کرکٹر بن گئے ہیں۔ کیریبیئن پریمیئر لیگ میں گیانا ایمازون واریئرزکی قیادت کرنے والے شعیب ملک نے 350 ٹونٹی ٹونٹی میچز کا سنگ میل عبور کرلیا ہے، 37سالہ آل رآنڈر یہ اعزاز حاصل کرنے والے پہلے پاکستانی کرکٹر ہیں،وہ اب اس فارمیٹ میں37.01کی اوسط سے8847رنز سکور کرچکے ہیں جن میں 52نصف سنچریاں شامل ہیں،انہوں نے یہ

رنز 125.06کے سٹرائیک ریٹ سے سکور کیے ہیں۔شعیب ملک کا کہنا ہے کہ کیریئر کے آغاز میں کبھی سوچا نہیں تھا کہ 350 ٹونٹی ٹونٹی میچ کھیلنے کا اعزازحاصل کرپاؤں گا،اس سفر میں ساتھ رہنے والی ٹیموں، لیگز کی فرنچائزز اور کھلاڑیوں سب کا شکریہ ادا کرتا ہوں۔شعیب ملک نے ٹونٹی ٹونٹی کیریئر کا آغاز 2005 ء یں کیا تھا، انہوں نے پاکستان کی جانب سے سب سے زیادہ111 انٹرنیشنل ٹی ٹونٹی میچ کھیلے ہیں۔

موضوعات:شعیب ملک