اسلام آباد (این این آئی)کریم خان آفریدی ویلفیئر فاؤنڈیشن کے زیراہتمام ادویات کی زیادہ مقدار استعمال کرنے کی آگاہی کے حوالے سے انٹرنیشنل ڈے کے موقع پر 21 ستمبر کومرد اور خواتین کی ٹیموں کے درمیان دو نمائشی فٹ بال جناح سٹیڈیم، اسلام آباد میں کھیلے جائیں گے۔ پہلا میچ خواتین کی ہاکس اور ہائی لینڈرز کی ٹیموں کے درمیان جبکہ دوسرا میچ مردوں کا اسلام آباد اور آزاد جموں و کشمیر کی ٹیموں

کے درمیان کھیلا جائے گا ۔ چیف آرگنائزر فیصل لطیف نے بتایاکہ میچز کی تیاریاں زور و شور سے جاری ہیں اور اس دن کو منانے کا مقصد سالانہ ہزاورں کی تعداد میں لوگ ادویات کی زیادہ مقدار استعمال کرنے پر زندگی سے ہاتھ دھو بیٹھتے ہیں انہوں نے کہا کہ ہم نے صحت مند معاشرے کو پروان چڑھنا ہے اور نوجوان کو منشیات کی لعنت سے دور رکھنا ہے یہ دن پوری دنیا میں ہر سال 21 ستمبر منایاجاتا ہے۔