جمعہ‬‮ ، 29 اگست‬‮ 2025 

ساف انڈر16 فٹبال : پاکستان شرکت سے محروم

datetime 4  اگست‬‮  2019
ہمارا واٹس ایپ چینل جوائن کریں

کراچی(آن لائن)پاکستان ساؤتھ ایشین فیڈریشن انڈر16 فٹبال چیمپئن شپ میں شرکت سے محروم ہوگیا ایونٹ 22 سے29 اگست تک بھارت میں شیڈول ہے۔ذرائع کے مطابق پاکستان انڈر16 فٹبال ٹیم کی ہنوز تشکیل ہی نہیں ہوسکی، جس کے سبب پاکستان فٹبال فیڈریشن نے ایونٹ میں شرکت کے لیے بھارتی ویزے کے

درخواست ہی جمع نہیں کرائی، فیڈریشن نے وقت کی کمی کے سبب ٹیم کے کھلاڑیوں اورآفیشلز کے ویزوں کے لیے پاکستان میں بھارتی ہائی کمیشن سے رجوع ہی نہیں کیا۔بھارت میں شیڈول اہم انٹرنیشنل جونیئرایونٹ میں شرکت سے محروم ہونے والی پاکستان انڈر16 فٹبال ٹیم اب 18 تا 22 ستمبر سعودی عرب میں شیڈول اے ایف سی انڈر 16چیمپئن شپ کے کوالیفائرز میں حصہ لے گی، دوسری جانب اس ایونٹ کے لیے قومی وجونیئر ٹیم کے انتخاب کے لیے قومی جونیئر تربیتی کیمپ پیر سے لاہور میں شروع ہورہا ہے۔فیفا کی جانب سے پاکستان آنے والے برازیلین یوتھ کوچ اورکیمپ کمانڈنٹ بتیو پورٹیلا کی زیرنگرانی لاہور سٹی اسپورٹس کمپلیکس پرشیڈول تربیتی کیمپ کے لیے ملک بھر میں ہونے والے اوپن ٹرائلز کے بعد 53 ممکنہ کھلاڑیوں کو طلب کیا گیا ہے، ان میں قبائلی علاقہ جات اور وزیرستان سے منتخب ہونے والے فٹبالرز بھی شامل ہیں،کیمپ میں اصغر انجم اسسٹنٹ کوچ اور نعمان ابراہیم گول کیپر کوچنگ کی ذمہ داری ادا کریں گے۔برازیلی کوچ بتیو پورٹیلا نے میڈیا سے بات چیت کرتے ہوئے کہا کہ پاکستان میں فٹبال کا بے انتہا ٹیلنٹ ہے، اگر نوجوان کھلاڑیوں کی درست سمت میں تربیت کی جائے تو وہ اپنی بہترین صلاحیتوں کی بدولت عالمی سطح پر نمایاں مقام حاصل کرنے کی اہلیت رکھتے ہیں،امید ہے کہ فیفا کی زیرنگرانی پاکستان انٹر نیشنل جونیئر فٹبال مقابلوں میں اچھے نتائج پیش کرے گا۔پورٹیلا نے کہا کہ وہ پاکستان کے جونیئر کھلاڑیوں کی کارکردگی سے بہت متاثر ہوئے ہیں، ان کو جدید تقاضوں سے ہم آہنگ ٹریننگ ملے تو وہ اپنی اہلیت ثابت کرسکتے ہیں، انھوں نے مزید کہاکہ فٹبال کی عالمی تنظیم کی جانب سے پاکستان کے معاملات کے لیے بنائی جانے والی نارملائزیشن کمیٹی کے تحت پاکستان انٹرنیشنل جونیئر مقابلوں میں شرکت کرے گا۔

موضوعات:



کالم



سنت یہ بھی ہے


ربیع الاول کا مہینہ شروع ہو چکا ہے‘ اس مہینے…

سپنچ پارکس

کوپن ہیگن میں بارش شروع ہوئی اور پھر اس نے رکنے…

ریکوڈک

’’تمہارا حلق سونے کی کان ہے لیکن تم سڑک پر بھیک…

خوشی کا پہلا میوزیم

ڈاکٹر گونتھروان ہیگنز (Gunther Von Hagens) نیدر لینڈ سے…

اور پھر سب کھڑے ہو گئے

خاتون ایوارڈ لے کر پلٹی تو ہال میں موجود دو خواتین…

وین لو۔۔ژی تھرون

وین لو نیدر لینڈ کا چھوٹا سا خاموش قصبہ ہے‘ جرمنی…

شیلا کے ساتھ دو گھنٹے

شیلا سوئٹزر لینڈ میں جرمنی کے بارڈرپر میس پراچ(Maisprach)میں…

بابا جی سرکار کا بیٹا

حافظ صاحب کے ساتھ میرا تعارف چھ سال کی عمر میں…

سوئس سسٹم

سوئٹزر لینڈ کا نظام تعلیم باقی دنیا سے مختلف…

انٹرلاکن میں ایک دن

ہم مورج سے ایک دن کے لیے انٹرلاکن چلے گئے‘ انٹرلاکن…

مورج میں چھ دن

ہمیں تیسرے دن معلوم ہوا جس شہر کو ہم مورجس (Morges)…