لاہور( این این آئی) پاکستان کرکٹ بورڈ کی کرکٹ کمیٹی کا اہم اجلاس مینیجنگ ڈائریکٹر وسیم خان کی صدارت میں آج ّ( جمعہ ) کو نیشنل کرکٹ اکیڈمی لاہور میں منعقد ہوگا ۔اجلاس میں قومی کرکٹ ٹیم کی کارکردگی کے حوالے سے سفارشات مرتب کی جائیں گی جبکہ قومی ویمن ٹیم اور جونیئر
ٹیموں کے حوالے سے بھی سفارشات تیار کی جائیں گی ۔ اجلاس میں مکی آرتھر، انضمام الحق، سرفراز احمد، مصباح الحق سمیت دیگر بھی شریک ہوں گے ۔ بتایاگیا ہے کہ اجلاس میںٹیم مینجمنٹ گزشتہ تین سالوںاور حالیہ ورلڈ کپ میں کارکردگی کے حوالے سے اپنی رپور ٹ بھی پیش کرے گی ۔
