لندن(آن لائن )قومی ٹیم کے ٹاپ آرڈر بلے باز بابر اعظم سابق قومی ون ڈے کپتان اظہر علی کی جگہ کانٹی چیمپئن شپ میچ میں سمرسٹ کی نمائندگی کریں گے، ان کی خدمات مذکورہ کلب نے صرف ٹونٹی 20 بلاسٹ کے لیے حاصل کی تھیں تاہم 18 اگست سے ورکشائر کے خلاف شروع ہونے والے 4 روزہ میچ میں بھی بابر کھیلیں گے۔سمرسیٹ کے کوچ جیسن کیر کا کہنا ہے کہ قوانین کے تحت ہم ایک وقت میں ٹیم میں ایک ہی اوور سیز پلیئر شامل

کرسکتے ہیں، اب ایونٹ کے درمیان میں شیڈول چار روزہ میچ کے لیے اگر ہم اظہر کو کھلاتے تو مختصر وقت کے لیے بابراعظم کی رجسٹریشن ختم کرکے اظہر علی کی کرانا پڑتی اور میچ ختم ہونے کے بعد دوبارہ بابر کو رجسٹر کرانا پڑتا، اچھی بات یہ ہے کہ بابر اعظم واروکشائر کے خلاف فرسٹ کلاس میچ کھیلنے کو تیار ہوگئے ورنہ ہمیں اس مقابلے کے لیے بغیر کسی اوور سیز پلیئر کے میدان میں اترنا پڑتا، اظہر علی آخری 3 چیمپئن شپ میچز کے لیے سمرسیٹ کو دوبارہ جوائن کریں گے۔