اسلام آباد (مانیٹرنگ ڈیسک) پاکستان کرکٹ ٹیم کے کپتان سرفراز احمد نے میڈیا سے گفتگو کرتے ہوئے کہا کہ کوشش کریں گے کہ میچ جیتیں۔ انہوں نے کہا کہ کوشش کریں گے کہ 500 رنز بنائیں۔ اس موقع پر سوال کا جواب دیتے ہوئے انہوں نے کہا کہ ہونے کو تو بہت کچھ ہو سکتا ہے، نصیب میں ہوا تو کوئی معجزہ بھی ہو سکتا ہے۔ انہوں نے کہا کہ پہلی کوشش ہو گی کہ ہم میچ جیتیں اور بنگلہ دیش کو

5 سو رنز کا بڑا ہدف دیں۔ واضح رہے کہ پاکستان کو بنگلہ دیش کے خلاف میچ بڑے مارجن سے جیتنا پڑے گا، پاکستان کو بنگلہ دیش کو 316 رنز سے ہرانا ہو گا، تب جا کر نیوزی لینڈ سیمی فائنل کی دوڑ سے باہر ہو گا، اگر پاکستان 400 رنز سکور کرتا ہے تو اسے بنگلہ دیش کو 84 رنز یا اس سے کم پر آؤٹ کرنا ہوگا، ذرائع کا یہ بھی کہنا ہے کہ سکور کی بنیاد پر یہ مارجن تبدیل ہوسکتا ہے۔