برمنگھم (نیوز ڈیسک) پاکستان کو نقصان پہنچانے کے لیے بھارت واقعی جان بوجھ کر ہارا، بھارت کے سابق کپتان سارو گنگولی اور انگلینڈ کے سابق کھلاڑی ناصر حسین نے دوران کمنٹری دھونی اور یادیو کی سست بیٹنگ پر سوالات اٹھا دیے۔ دونوں کھلاڑی آخری اوورز میں ان کی غیر متوقع سست بیٹنگ دیکھ کر حیران رہ گئے۔ سارو گنگولی اور ناصر حسین نے کہا کہ دونوں کھلاڑیوں نے آخری اوورز میں جس طرح بیٹنگ کی ان کے پاس اس کا کوئی جواب

نہیں ہے، جو کچھ ہوا وہ سب دیکھ کر وہ حیران ہیں۔ اس کے علاوہ پاکستان کے سابق مایہ ناز کھلاڑی وقار یونس نے اپنے ٹوئٹر پیغام پر اس معاملے پر تبصرہ کرتے ہوئے کہا کہ ”یہ آپ نہیں ہیں، جو آپ زندگی میں کرتے ہیں وہ آپ کو ظاہر کرتا ہے کہ آپ کیا ہیں، پاکستان سیمی فائنل میں جاتا ہے یا نہیں میں اس سے پریشان نہیں لیکن ایک چیز یقینی ہے کہ کچھ چیمپئنز کی سپورٹس مین شپ کا امتحان ہوا اور وہ اس میں بری طرح ناکام رہے۔“