لندن(آن لائن) قومی کرکٹر محمد حفیظ نے شائقینِ کرکٹ سے درخواست کی ہے کہ ورلڈ کپ کے ایونٹ سے لطف اندوز ہوں۔ انہوں نے اپنے ٹویٹر پیغام میں کہا کہ ہار جیت کھیل کا حصہ ہے لیکن کھیل کو برے واقعات، قانون شکنی اور کسی کی توہین کر کے خراب نہ کیا جائے۔ انہوں نے شائقین کو صبر رکھنے اور برداشت کرنے کی درخواست کی ہے۔ یا درہے کہ گزشتہ روز پاک افغان میچ کے دوران اور بعد میں افغان شہریوں نے بد تہذیبی کا
مظاہرہ کرتے ہوئے پاکستانی شہری پر دھاوا بول دیا تھا۔ کچھ افغانیوں نے ایک پاکستانی شہری پر دھاوا بولا اور اس پر ڈنڈے اور گھونسے برسائے۔اس کے بعد افغان شرپسند تماشائیوں سے شکست ہضم نہ ہوئی، پاکستانی کھلاڑیوں پر حملے کی کوشش، میچ ختم ہوتے ہی شرپسند افغانی میدان میں کود پڑے اور پاکستانی کھلاڑیوں پر حملے کی کوشش کی، تاہم سیکورٹی اہلکاروں نے بروقت مداخلت کرکے پاکستانی کھلاڑیوں کو پویلین پہنچا دیا۔
