لیڈز (این این آئی)قومی کرکٹ ٹیم کے کپتان سرفراز احمد نے کہاہے کہ بھارت کے خلاف میچ میں شکست کے بعد شائق کی جانب سے ہوٹل میں بدسلوکی کی ویڈیو دیکھ کر اہلیہ رونے لگ گئی تھی۔سرفراز احمد نے کرکٹ شائق کی جانب سے بدسلوکی کے واقعہ کے بعد اپنے پیغام میں کہا کہ میں نے

اہلیہ کو سمجھایا کہ یہ تو صرف ایک ویڈیو آئی ہے ہم اس سے زیادہ سنتے ہیں، ہمت کرو یہ سب تو زندگی کا حصہ ہیں، برا کریں گے تو یہ سب سہنا پڑے گا۔قومی ٹیم کے کپتان نے کہا کہ بھارت سے شکست کے بعد شائقین کا جو ردعمل آیا اس سے بہت دکھ پہنچا مگر ان سب لوگوں کا شکر گزار ہوں جو اس مشکل کی گھڑی میں ہمارے ساتھ کھڑے رہے اور ہمیں سپورٹ کرتے رہے۔انہوںنے کہاکہ ہمارے فینز ہمیں بہت پسند کرتے ہیں اور انہیں کی وجہ سے ہمیں حوصلہ ملتا ہے، خاص طور پر جب ہم باہر ملکوں میں کھیلتے ہیں اور جو سپورٹ ہمیں انگلینڈ میں ملتی ہے وہ سب سے زیادہ ہوتی ہے۔انہوں نے کہا کہ بد قسمتی سے بھارت سے شکست کے بعد جو ہفتہ گزرا وہ بہت مشکل سے گزرا لیکن ٹیم نے اْس وقت سے بہت کچھ سیکھا اور پھر جو کارکردگی ہم نے جنوبی افریقا کے خلاف دکھائی اور پھر عوام نے جس طرح سپورٹ کیا وہ بہت اچھا تھا۔