اسلام آباد(این این آئی) پاکستان فٹ سال فیڈریشن نے قومی کھلاڑی مبشر رفیق سنجرانی کو آئندہ دو سال کے لئے معطل کر دیا ہے۔ پاکستان فٹ سال فیڈریشن کے سیکرٹری جنرل عدنان سمیع نے اپنے ایک بیان میں بتایاکہ مبشر رفیق سنجرانی پاکستان فٹ سال فیڈریشن کے خلاف غیر آئینی اور

غیرقانونی سرگرمیوں میں ملوث پائے گئے ہیں جس پر پاکستان فٹ سال فیڈریشن کی ڈسپلنری کمیٹی نے مبشر رفیق سنجرانی کو دوسال کے لئے معطل کرنے کی سفارش کی تھی ڈسپلنری کمیٹی کا اجلاس زیرصدارت چوہدری منظور احمد منعقد ہوا۔ ڈسپلنری کمیٹی کے اس فیصلے کی پاکستان فٹ سال فیڈریشن کی مجلس عاملہ نے گذشتہ روز اپنے ایک اجلاس میں توسیع کردی ہے مجلس عاملہ کے اجلاس کی صدارت پاکستان فٹ سال فیڈریشن کے چیئرمین ملک مہربان علی نے کی۔انہوں نے کہاکہ مبشر رفیق سنجرانی اب آئندہ دو سال تک فٹ سال کی کسی بھی سرگرمیوں میں حصہ نہیں لے سکیں گے، واضع رہے کہ پاکستان فٹ سال فیڈریشن نے مبشر رفیق سنجرانی کو روواں اپریل کو فیڈریشن کے چیئرمین کے سامنے اپنے دفاع میں پیش ہونے کا نوٹس جاری کیا تھا جس پر مبشر سنجرانی چئرمین کے سامنے پیش نہیں ہوئے۔ پاکستان فٹ سال فیڈریشن نے مبشر سنجرانی کا کیس فیڈریشن کی ڈسپلنری کمیٹی کے سامنے پیش کیا جس پر یہ کاروائی عمل میں لائی گئی ہے –

موضوعات:پاکستان فٹ سال فیڈریشن