اسلام آباد(مانیٹرنگ ڈیسک)پاکستان سمیت دنیا بھر میں باپ سے محبت کے اظہار کیلئے ’’ انٹر نیشنل فادر ڈے ‘‘ 16جون اتوار کو منایا جائے گااس دن کے منانے کا مقصد باپ کی عظمت،عزت و وقار کا اعتراف اور ان کی اہمیت کو اجاگر کرنا ہے ۔دوسری جانب 16جون کو ہی پاکستان اور بھارت کی کرکٹ ٹیموں کے درمیان ہائی وولیٹج میچ بھی 16جون ، انٹر نیشنل فادر ڈےکے موقع پر کھیلا جائیگا، اس حوالہ سے سوشل میڈیا صارفین نے دلچسپ
تبصرے کئے ہیں اور کہا ہے کہ باپ باپ ہوتا ہےاور بیٹا ،بیٹا، دوسری جانب پاکستان کی نجی کمپنی کی جانب سے ایک اشتہار بھی نشر کیا گیا ہے جس میں ابھی نندن کو لیکر بھارتیوں کامذاق اڑا یا گیا ہے جس پر بھارتی عوام نے شدید غصے کا اظہار کیا ہے ، جبکہ پاکستانی صارفین نےجواب میں کہا ہے کہ پچھلے ٹورنامنٹس میں بھارت کی جانب سے بھی ’’موقع موقع ‘‘ کے اشتہار بنائے گئے تھے ۔ اب ہم نے ایسا ہی اشتہار بنایا ہے تو اعتراض کیسا؟
