دبئی(این این آئی)ملتان سلطانز کے شاہد آفریدی، کوئٹہ گلیڈی ایٹرز کے ریلے روسو اور فواد احمد، کراچی کنگز کے کولن انگرام دبئی پہنچ گئے۔ پی ایس ایل 4 کی افتتاحی تقریب (آج) جمعرات کو ہوگی جس کے بعد ایونٹ کے افتتاحی میچ میں دفاعی چمپئن اسلام آباد یونائیٹڈ اور لاہور قلندرز کی ٹیمیں مدمقابل ہوں گی۔ملتان سلطانز کے شاہد آفریدی اور کوئٹہ گلیڈی ایٹرز کے ریلے روسو دبئی پہنچ گئے۔آسٹریلوی لیگ اسپنر فواد احمد بھی دبئی پہنچنے

والوں میں شامل ہیں جو کوئٹہ گلیڈی ایٹرز کو جوائن کریں گے، اسی طرح کراچی کنگز کے کولن انگرام نے بھی دبئی پہنچ کر ٹیم کو جوائن کرلیا۔یاد رہے کہ پی ایس ایل کے چوتھے ایڈیشن میں مجموعی طور پر 34 میچز کھیلیں جائیں گے اور فائنل سمیت آخری 8 میچز پاکستان میں ہوں گی۔متحدہ عرب امارات کے تین شہر دبئی، ابوظہبی اور شارجہ 26 میچز کی میزبانی کریں گے جبکہ فائنل سمیت 5 میچز کراچی کے نیشنل اسٹیڈیم اور 3 میچز لاہور کے قذافی اسٹیڈیم میں ہوں گے۔