بینکاک(این این آئی) تھائی لینڈ میں فائٹ کے دوران باکسر نے سر پر پنج پڑنے پر غلطی سے ریفری کی ہی پٹائی لگا دی۔تھائی فیسٹیول کے دوران روایتی باکسنگ مقابلے کی ایک ویڈیو سامنے آئی جس میں بلوشارٹس میں ملبوس باکسر حریف کی جانب سے سر پر پنچ کھانے کے بعد نیچے گر گیا۔
اس پر ریفری درمیان میں آتا ہے تو نیچے گرنے والے باکسر نے انہیں اپنا حریف سمجھ کرپٹائی شروع کر دی ۔اس دوران تماشائی قہقہے لگاتے اورتالیاں بجاتے رہے، آخر کار جج کو زودار آواز میں باکسر کو بتانا پڑا کہ وہ ریفری کی پٹائی کررہا ہے تب جاکر اس کے مکے رکے۔
