میلبورن(این این آئی) جمہوریہ چیک کی نامور ٹینس سٹار کارولینا پالیسکووا اور جاپان کی ناؤمی اوسا سال کے پہلے گرینڈ سلام ٹینس ٹورنامنٹ آسٹریلین اوپن ویمنز سنگلز سیمی فائنل میں پہنچ گئیں جبکہ سابق عالمی نمبر ایک سرینا ولیمز اور یوکرائن کی ایلینا سویٹولینا کوارٹر فائنل راؤنڈ میں شکست کے بعد میگا ایونٹ سے باہر ہوگئیں۔ بدھ کومیگا ایونٹ میں کھیلے گئے ویمنز سنگز کوارٹر فائنلز میں

کارولینا پالیسکووا نے عمدہ کارکردگی کا مظاہرہ کیا اور حریف امریکن کھلاڑی سرینا ولیمز کو 6-4، 4-6 اور 7-5 سے شکست دیکر میگا ایونٹ سے باہر کر دیا۔ ایک اور میچ میں جاپان کی ناؤمی اوساکا نے انتہائی شاندار کھیل پیش کرتے ہوئے یوکرائن کی حریف کھلاڑی ایلینا سویٹولینا کو سٹریٹ سیٹس میں 6-4 اور 6-1 سے زیر کر کے آسٹریلین اوپن کا سیمی فائنل کھیلنے کا اعزاز حاصل کرلیا۔