پتایا(این این آئی)پاکستان ایشین جونیئر اسکواش چمپئن شپ کے فائنل میں روایتی حریف بھارت کو شکست دے کر چمپئن بن گیا۔تھائی لینڈ کے شہر پتایا میں منعقدہ ایشین جونیئر اسکواش چمپئن شپ کا فائنل بھارت اور پاکستان کے درمیان کھیلا گیا جس میں پاکستان نے روایتی حریف بھارت کو 0۔2 سے شکست دی۔پاکستانی کھلاڑی فرحان ہاشمی اور عباس زیب نے فائنل میں شاندار کھیل کا مظاہرہ کیا اور جیت اپنے نام کی۔ پہلے فائنل

میں فرحان ہاشمی نے بھارت کے ویر چوٹرانی کو 2۔3 سے شکست دی، انہوں نے میچ 2۔11، 9۔11، 7۔11، 11۔5، 9۔11 سے جیتا۔جب ہ عباس زیب نے بھارتی حریف اتکرش بیہانی کے خلاف 0۔3 سے فتح سمیٹی، انہوں نے دوسرے فائنل میچ میں 4۔11، 2۔11، 6۔11 سے بھارتی کھلاڑی کو شکست دی۔پاکستانی کھلاڑیوں نے چمپئن شپ کا ٹائٹل جیتنے کے بعد پاکستان زندہ باد کے نعرے لگائے اور سجدہ شکر بھی ادا کیا۔