اسلام آباد (این این آئی)پاکستان کرکٹ بورڈ کے زیر اہتمام آسٹریلین ہائی کمیشن کے تعاون سے اے ایچ سی ، پی سی بی گرلز کرکٹ کپ (آج )ہفتہ کو اسلام آباد میں کھیلا جائیگا ۔ آسٹریلین ہائی کمیشن کی منیجر پبلک ڈپلومیسی بشری ناز کے مطابق مر غزار کرکٹ گراونڈ میں کھیلے جانیوالے کرکٹ ٹورنامنٹ میں پاکستان کرکٹ بورڈ اور آسٹریلین
ہائی کمیشن کے اعلی حکام بھی شرکت کرینگے ۔ دوسری جانب آسٹریلیا کے قائم مقام ہائی کمشنر بریک باٹلے نے اسپیشل ایجوکیشن سکول فار گرلز ، مشعل ماڈل سکول ، پاکستان سوئٹ ہومز اور اسلام آباد ماڈل سکول فار گرلز آئی نائن ون میں جاری کرکٹ کیمپس کا دورہ بھی کیا وہ وہاں زیر تربیت طالبات کیساتھ کرکٹ بھی کھیلی ۔
