میڈرڈ(این این آئی)سٹار ہسپانوی کھلاڑی اور سابق عالمی نمبر ایک رافیل نڈال فٹنس مسائل کے باعث برسبین انٹرنیشنل ٹینس ٹورنامنٹ سے دستبردار ہو گئے۔ عالمی نمبر دو نڈال نے بتایا کہ میں برسبین انٹرنیشنل ٹورنامنٹ کھیلنا چاہتا تھا تاہم ایم آر آئی سکین کے بعد ڈاکٹرز نے مجھے مکمل آرام کا مشورہ دیا ہے جس کی وجہ سے ایونٹ
سے دستبرداری اختیار کی ہے، آسٹریلین اوپن سے قبل مکمل فٹنس حاصل کرنے کیلئے سرتوڑ کوشش کروں گا اور مجھے پوری امید ہے کہ میں بھرپور انداز سے ٹورنامنٹ کھیلنے کے قابل ہو جاؤں گا، ان کی جگہ جاپانی کھلاڑی تارو ڈینل کو انٹری دی گئی۔ نڈال گزشتہ برس انجری کے باعث سال کے آخری ٹینس ٹورنامنٹ اے ٹی پی میں بھی شرکت نہیں کر سکے تھے۔
