اسلام آبا(این این آئی)وزیراعظم عمران خان سے پاکستانی ٹیسٹ کرکٹر آسر شاہ نے ملاقات کی۔ اس موقع پروزیراعظم نے لیگ اسپنر آسر شاہ کو ٹیسٹ کرکٹ کی تاریخ میں تیز ترین 200 وکٹیں حاصل کرنے کا ریکارڈ بنانے پر مبارک باد دی۔ وزیر اعظم عمران خان نے لیگ اسپنر یاسر شاہ کی بولنگ کی بھی تعریف کی ٗ وزیراعظم نے یاسر شاہ سے ٹیم کی حالیہ کارکردگی پر بھی بات کی۔لیگ اسپنر یاسر شاہ سے ملاقات میں وزیراعظم عمران خان نے ٹیم کی کارکردگی میں
تسلسل نہ ہونے پر بھی گفتگو کی۔خیال رہے کہ یاد رہے کہ گزشتہ روز یاسر شاہ نے ٹیسٹ کرکٹ میں تیز ترین 200 وکٹیں حاصل کرنے کا 82 سال پرانا ریکارڈ توڑ دیا تھا۔علاوہ ازیں وفاقی وزیر اطلاعات چوہدری فواد حسین سے ٹیسٹ کرکٹر یاسر شاہ نے ملاقات کی اس موقع پر وزیر اطلاعات نے یاسر شاہ کو ٹیسٹ کرکٹ میں تیزترین 200 وکٹوں کا رکارڈبنانے پر مبارکباد دی۔ وزیر اطلاعات چوہدری فواد حسین نے آئندہ میچوں میں یاسر شاہ کے لئے نیک تمناؤں کا اظہار کیا ۔
