لاہور(آئی این پی) بطور وکٹ کیپر زیادہ شکار کرنے کے ملکی ریکارڈ میں سرفراز احمد نے معین کو پیچھے چھوڑ دیا۔نیوزی لینڈ سے دبئی ٹیسٹ کی دوسری اننگز میں سرفراز احمد نے ٹرینٹ بولٹ کا کیچ تھاما، یہ ان کا 148واں شکار تھا، ان میں 128کیچ اور 20اسٹمپنگ شامل ہیں۔
معین خان نے اپنے کیریئر کے دوران 69ٹیسٹ میں 127کیچ اور 20 اسٹمپنگ سمیت 147شکار کیے تھے،سرفراز نے اب تک 45ٹیسٹ کھیلے ہیں۔واضح رہے کہ اس فہرست میں وسیم باری 228شکار کے ساتھ سرفہرست اور کامران اکمل (206)دوسرے نمبر پر ہیں۔
