لاہور(مانیٹرنگ ڈیسک) قومی کرکٹ ٹیم کے سابق جارح مزاج بیٹسمین عمران نذیر کا نام پاکستانی کرکٹ میں اچھے الفاظ میں لکھا جاتا ہے۔ عمران نذیر نے پاکستان کی جانب سے کرکٹ کھیلتے ہوئے عمران نذیر نے کئی بار شاندار کارکردگی کا مظاہرہ کیا ہے تاہم تازہ ترین اطلاعات کے مطابق عمران نذیر اب کرکٹ کھیلنے کے قابل نہیں رہے۔ اس حوالے سے نجی ٹی وی کے ایک پروگرام میں گفتگو کرتے ہوئے سابق کپتان قومی کرکٹ
ٹیم راشد لطیف نے افسوس ناک انکشاف کیا کہ تین سال قبل ایک میچ کے دوران عمران نذیر کے سر پر گیند لگی تو انہیں ایتھرائیسڈ ہو گیا اور اب وہ بیٹ بھی نہیں پکڑ سکتے، یعنی ان کے ہاتھ کی گرپ ہی نہیں ہوتی۔ اس انجری کے بعد انہوں نے بحالی کیلئے سٹیرائیڈز استعمال کیں تو کافی موٹے ہو گئے اور قدرے بحالی کے باوجود بھی وہ کرکٹ کھیلنے کے قابل نہیں ہیں۔عمران نذیر اب انڈر 19 کرکٹ ٹیم کے ساتھ وقت گزار رہے ہیں اور انہیں کرکٹ سکھاتے ہیں۔تازہ ترین رپورٹ کے مطابق دھواں دار بلے بازی سے پہچان بنانے والے سابق قومی کرکٹر عمران نذیر نے اپنے مداحوں بالخصوص ملتانیوں کو خوشخبری سنا دی ہے۔ پاکستان سپر لیگ (پی ایس ایل) کا تیسرا ایڈیشن شروع ہونے میں چند ماہ باقی ہیں اور تمام لوگوں کی نظریں اب اس بات پر جمی ہیں کہ کون سا کھلاڑی کس ٹیم کو اپنے چھکوں چوکوں سے رونق بخشے گا۔ایسے میں یہ خبر سامنے آئی کہ ملتان سلطانز نے کرکٹر عمران نذیر کو اپنی ٹیم میں شامل کر لیا ہے تاہم گزشتہ روز ذرائع نے یہ دعویٰ کیا کہ ٹیم ملتان سلطانز کی انتظامیہ نے ایسے کسی بھی معاہدے کی تردید کی ہے جس پر شائقین کافی افسردہ ہوئے۔ لیکن اب عمران نذیر نے سماجی رابطوں کی ویب سائٹ ٹوئٹر پر مبہم سا پیغام جاری کیا ہے جس سے کم از کم یہی سمجھ آتی ہے کہ وہ واقعی ملتان سلطانز کی ٹیم میں شامل ہو گئے ہیں۔انہوں نے یہ پیغام ملتان سلطانز میں شامل
ہونے کی خبروں کی تردید کے بعد جاری کیا جس سے یہ تاثر ملتا ہے کہ وہ اس بیان کی بھی تردید کر رہے ہیں اور وہ واقعی پی ایس ایل کے تیسرے ایڈیشن میں ملتان سلطانز کی جانب سے ایکشن میں نظر آئیں گے اور شائقین کے دلوں کو گرمائیں گے۔
Multaanio you ready? ?
— Imran Nazir (@imrancrickter) August 19, 2017
