لاہور ( این این آئی) قومی کرکٹ ٹیم کے کپتان سرفرازاحمد نے کہا ہے کہ مصباح الحق کے نقش قدم پر چلنا کسی چیلنج سے کم نہیں، ٹیسٹ میچز کسی طور بھی آسان نہیں ہوتے آپ کو صبر سے کام لینا ہوتا۔ٹیسٹ ٹیم کا کپتان بننے کے بعد ایک کرکٹ ویب سائٹ کو دئیے گئے انٹرویو میں سرفرازاحمد کا کہنا تھا کہ ٹیسٹ ٹیم کی قیادت ون ڈے اور ٹی 20سے بہت مختلف ہے،ٹیسٹ میچز آسان نہیں ہوتے ۔
انہوں نے کہا کہ وہ ٹی ٹونٹی کی طرح ٹیسٹ کرکٹ میں بھی ٹیم کو کامیابیاں دلانے کی کوشش کریں گے۔انہوں نے کہا کہ اگرآپ ٹیم کو دیکھیں تو 11کھلاڑیوں میں سے صرف 5کھلاڑی ایسے ہیں جن کی جگہ پکی ہے جن میں اظہرعلی، محمد عامر، یاسرشاہ، اسد شفیق اوروہ خود شامل ہیں۔ سرفرازاحمد نے مزید کہا کہ ٹیسٹ ٹیم میں جس کھلاڑی کو بھی لائیں گے تو کوشش ہوگی اسے طویل عرصے تک ٹیم میں رکھیں