اسلام آباد(مانیٹرنگ ڈیسک)معروف بھارتی آل رائونڈر پٹھان برادرز کی والد کے ہمراہ کپل شرما شو میں آمد، ہنسی کے فوارے ابل پڑے۔ تفصیلات کے مطابق معروف بھارتی آل رائونڈر پٹھان برادرز عرفان پٹھان اور یوسف پٹھان کی اپنے والد کے ہمراہ کپل شرما شو میں شرکت کے موقع پر پروگرام کشت زعفران بن گیا۔ تینوں باپ بیٹوں میں ہوئی نوک جھونک نے وہاں موجود سبھی شرکا اور میزبان کو ہنسا ہنسا کر دہرا کر دیا۔
ایک موقع پر میزبان کپل شرما نے عرفان اور یوسف پٹھان کے والد نے سوال کیا کہ آج کل لو میرج کازمانہ ہے آپ کے دورمیں کیا ایسا تھا کہ لڑکی کو پہلے سے دیکھا جائے ، بات کی جائے اور پھر پسند ناپسند کا اظہار کیا جائے تو اس پر ان کے والد نے جواب دیتے ہوئے کہا کہ میں نے ان کی والدہ کو شادی سے پہلے نہیں دیکھا تھا ، ابھی وہ بات کر ہی رہے تھے کہ ان کے بیٹے یوسف پٹھان فوراََ بول پڑے ابا !جھوٹ تو مت بولو ، جس پر وہاں موجود سبھی شرکا اور میزبان ہنس پڑے اور کافی دیر تک ہنستے رہے۔۔تینوں باپ بیٹوں کے درمیان دلچسپ ہوئی نوک جھونک میں مزید کیا کیا باتیں ہوئیں اس کیلئے ۔۔ویڈیو ملاحظہ کریں!
