اسلام آباد(مانیٹرنگ ڈیسک)وزیراعظم نوازشریف نے چیمپیئنز ٹرافی کے فاتح اسکواڈ کھلاڑیوں کیلئے تمغہ حسن کارکردگی سے نوازنے کا اعلان کردیا۔چیمپئنزٹرافی میں شاندار کارکردگی دکھانے والے قومی کرکٹرزپرنوازشات کا سلسلہ جاری ہے۔شایان شان استقبالیے کے بعد وزیراعظم نوازشریف نے قومی اسکواڈ کے ہرکھلاڑی کو صدراتی تمغہ حسن کارکردگی سے نوازنے کااعلان کردیا۔

نوازشات کی یہ بارش 4سابق کرکٹرز پر بھی برسی ،مصباح الحق، یونس خان، شاہدآفریدی اور قومی ٹیم کے موجودہ چیف سلیکٹر انضمام الحق کو تمغہ حسن کارکردگی سے نواز جائے گا ۔جبکہ مصباح، یونس اور آفریدی کی شاندار خدمات کے پیش نظر ایک ایک کروڑ روپے دینے کا بھی اعلان کیا گیا ہے۔

موضوعات:پاکستان کرکٹ نواز شریف