اسلام آباد (این این آئی)قومی کرکٹ ٹیم کے کپتان سرفراز احمد نے وزیراعظم کی جانب سے قومی کرکٹ ٹیم کے اعزاز میں دیئے گئے استقبالیہ کے موقع پر نعت رسول مقبولؐ پڑھی۔ منگل کو وزیراعظم آفس میں آئی سی سی چیمپینز ٹرافی کی فاتح قومی کرکٹ ٹیم کے اعزاز میں استقبالیہ تقریب ہوئی۔

تقریب میں قومی کرکٹ ٹیم کے کھلاڑیوں اور مینجمنٹ کے علاوہ وفاقی وزراء، اراکین پارلیمنٹ سمیت مختلف شعبوں سے تعلق رکھنے والی اہم شخصیات نے شرکت کی۔قومی کرکٹ ٹیم کے کپتان سرفراز احمد نے نعت رسول مقبولؐ پڑھ کر سامعین پر سحر طاری کر دیا۔